Во период од 24 до 28.04.2023 година, во просториите на Воената академија и во Охрид се реализираше обуката со наслов „Користење на платформи за е-учење и мултимедијални алатки во делот на едукација и дигитални вештини“. Обуката е дел од Еразмус проектот „Future Classrooms Leadership“ и истата има за цел да обезбеди соодветни знаења и вештини за користење на различни платформи за е-учење и инкорпорација на останати технолошки и мултимедијални алатки во делот на образованието.

На 27.04.2023 година на Воената академија беше реализиран работен состанок со претставници од Центарот за интегритет во одбранбениот сектор на Норвешка

Воената академија „Генерал Михаило Апостолски“ - Скопје во соработка со своите партнери од Грција, Белгија и Шпанија го организише третиот транснационален состанок во рамките на проектот Еразмус+ - СЕТОФФ во периодот од 4-5 март 2023 година. Состанокот вклучуваше дискусии и анализи во врска со циклусот на обуки „Обучи го обучувачот“, кој започна во март во Кавала, Грција. За време на состанокот се донесоа конечни одлуки за наставната програма за е-обука, која ќе биде достапна за учесниците од сите партнерски земји преку платформата за е-учење креирана во рамките на проектот. Во овој контекст, професорите од Воената академија спроведоа обука, специјално прилагодена за потребите на корисниците на проектот, со цел ефективно и ефикасно креирање курсеви на платформата за е-учење.

На ден 03.04.2023 година во просториите на Воената академија се одржи предавање на тема Воени карактеристики на ЕУ (Белин плус договор, EUMS/EUMC и MPC – структура, функција и релации), Основи на CSDP (концепт, примери) и Специфични аспекти на CSDP (PESCO, CARD, EDF, EPF, ЕУ стратегиски компас и сл.)

Работна посета од страна на претседателката на Одборот за акредитација на високото образование Проф. Д-р Татјана Стојаноска Иванова. 

Академијата распишува конкурс за запишување на30(триесет) кандидати за стручно оспособување и усовршување за офицери за службитево Министерството за одбрана и Армијата на Република Северна Македонија.

Тридневната штабна обука во рамките на Програмата за паметно образование и обука за вработените во централната власт и локалната самоуправа-SETOFF - VET‐SHORT‐TERM JOINT STAFF TRAINING,  се реализираше во Кавала, Р. Грција, за време на трагичната железничка несреќа во Темпи (Грција) во период од 01-03. Март 2023 година. За време на тридневната обука, беше истакната клучната важност на специјализирана и современа обука, со користење на најсовремена технологија за оние кои се повикани да управуваат со кризи и ризици и да координираат тимови од професионалци и/или волонтери за навремен, безбеден и ефективен одговор на природните и од човекот предизвикани катастрофи.