Вести

Воената академија „Генерал Михаило Апостолски“ на 20 и 21 февруари ја пречека делегацијата од Националниот одбранбен универзитетски колеџ на Норвешка и Воената академија, предводена од раководителката за интернационализација и координаторка на програмата Еразмус+ Марит Рие-Рамберг. Посетата беше фокусирана на зајакнување на академската соработка, дискусија за програмата Еразмус+ и разгледување на идни заеднички иницијативи.

Делегација од Воената академија „Генерал Михаило Апостолски“ – Скопје учествуваше на „Меѓународната недела“, организирана од Норвешкиот одбранбен универзитетски колеџ (NDUC) во Осло од 11 до 13 февруари 2025 година. Оваа посета ја зацврсти академската соработка и ги зајакна врските помеѓу двете институции.

Воената академија „Генерал Михаило Апостолски“ – Скопје активно учествуваше на годишната конференција на Партнерството за Мир (PfPC), која се одржа во Националната академија за одбрана во Виена, Австрија, во периодот 28-30 јануари 2025 година. Оваа конференција претставува значаен форум за размена на знаење и искуства меѓу високи претставници, академици и експерти од областа на безбедноста и одбраната. Главен фокус на настанот беа когнитивната војна, хибридните закани и образовната соработка во регионот.

На 29 јануари 2025 година, Воената академија „Генерал Михаило Апостолски“ – Скопје учествуваше на иницијалниот состанок на Европскиот дигитален иновациски хаб INNOFEIT (EDIH), финансиран преку повикот „DIGITAL-2023-EDIH-04“. Проектот е насочен кон поддршка на малите и средни претпријатија (МСП) и организациите од јавниот сектор (ОЈС) во дигиталната трансформација и зголемување на нивната конкурентност.

Во Воената академија „Генерал Михајло Апостолски“ се одржа симулациска вежба за сајбер хибриден напад, со цел тестирање на подготвеноста на државните институции за одговор на сајбер закани. Настанот претставуваше клучен момент во зајакнувањето на националната сајбер безбедност и дигиталната отпорност. Во рамките на активностите, британскиот амбасадор во Северна Македонија, Метју Лосон, свечено ги предаде минималните сајбер безбедносни стандарди за владините институции на Премиерот на Република Северна Македонија, Христијан Мицкоски. Овие стандарди се резултат на долгомесечен труд и соработка меѓу професори и асистенти од Воената академија, кои активно учествуваа како експерти во проектот и беа дел од работната група за нивно развивање.

On December 21, 2024, the Dean of the Military Academy hosted a delegation from Bosnia and Herzegovina, which included the Assistant Minister of Defense, the Head of the Department for International Cooperation, and a military representative. During the meeting, the participants explored directions and opportunities for further collaboration between the two institutions.

За време на свеченоста организирана на 23.12.2024 година на Воената академија беа доделени дипломи на питомците и студентите кои успешно го завршија своето образование. На настанот деканот на Воената академија додели дипломи за завршен прв циклус на студии на 23-та класа, дипломи за завршен втор циклус на студии, како и дипломи за завршена специјализација за командно-штабна обука.

     Во текот на 16-20 до декември 2024 година во Скопје се одржа состанок за ERASMUS+ KA210-ADU - Проект  бр. 2022-1-TR01-KA210-ADU- 000084905 на тема: “Интеграција преку социјално и дигитално учење”  Учесници на состанокот беа: Република Турција, организација Beytüşşebap Halk Eğitim Merkezi Müdürlüğü како главен координатор на проектот, Република Франција, организација Comité de Liaison Diagonal France, Воена академија – Генерал „Михајло Апостолски“ Скопје (партнер домаќин) и Република Шпанија, Asociación para el Desarrollo socioemocional de la persona, la sociedad y para la cooperación Internacional Uno (партнер)

Питомците од 4.година на Воената академија "Генерал Михаило Апостолски" од родовите пешадија, инжинерија и артилерија, наставата по предметот "Тактика на мировни операции и превенција на конфликти" ја реализираа во баталјонот на Воена Полиција во касарната "Илинден".

На 10 декември 2024 година, во Амфитеатарот на Воената академија „Генерал Михаило Апостолски“, се одржа свечениот почеток на магистерските студии за учебната 2024/25 година. Настанот го отвори деканот на академијата, полковник проф. д-р Митко Богданоски, кој ги поздрави новите студенти и ја нагласи важноста на нивниот ангажман и упорност за успешно завршување на вториот циклус на студии.

Институтот за сајбер безбедност и дигитална форензика при Воената академија „Генерал Михаило Апостолски“ - Скопје, во соработка и со поддршка од Министерството за одбрана и Министерството за дигитална трансформација, организира симулациската вежба на тема „Справување со фишинг и рансомвер напади“. Настанот официјално го отворија деканот на Воената академија, проф. д-р Митко Богданоски, и министерот за дигитална трансформација, Стефан Андоновски. Во своето обраќање, деканот Богданоски, потенцираше дека согласно обврските и одговорностите предвидени во Националната стратегија за сајбер безбедност, Институтот ќе даде максимална поддршка во јакнење на капацитетите за сајбер безбедност и дигитална форензика не само во државата, туку и пошироко.