Вести

Во светот на артилеријата, прецизноста, точноста, брзината и масовноста на огнот се круцијални за остварување на мисијата. За ова да стане реалност, подготовката и извежбувањто се најважни. На 27.11.2024 година питомците од 4. година од родот артилерија, во рамки на наставата за време на семестарот, реализираа подготвителното гаѓање на рб.17 со хаубички вод 105mm со вметната цевка 20mm, организирано од артилерискиот баталјон од 1.пбр.

Деканот на Воената академија, проф. д-р Митко Богданоски, полковник, оствари средба со делегација на Асоцијацијата на одбранбени аташеа. Во состав на делегацијата учествуваа поголемиот број резидентни и нерезидентни воени аташеа. За време на средбата беше одржана презентација на активностите, програмите и капацитетите на Воената академија и Центарот за обука на питомци, со акцент на посветеноста кон унапредување на образованието и обуката во областа на одбраната.

Воената академија „Генерал Михаило Апостолски“ беше домаќин на Военото аташе на Кралството Норвешка, полковник Даг Магне Лунде.На средбата учествуваа деканот на Академијата, проф. д-р Митко Богданоски, полковник, продеканот за меѓународна соработка и научноистражувачка работа, проф. д-р Елениор Николов, полковник, како и координаторот за Еразмус+ програмата, доц. д-р Љупчо Шошоловски, мајор.

Во периодот од 19.11.2024 година до 20.11.2024 година, во амфитеатарот на Воената академија, беше реализирана Работилница на тема „ГЕНЕРАЛОТ АПОСТОЛСКИ Е ЛИДЕР КОЈ ДЛАБОКО ИНСПИРИРА“, во организација на новоформираната Секција по Лидерство, под раководство на проф. д-р Лазар Ѓуров, потполковник. Работата на Секцијата, како и организацијата на оваа работилница, во целост беше поддржана од Деканот на Воената академија проф. д-р Митко Богданоски, полковник. Целта на работилницата беше питомците од прва до четврта година, да го персонализираат лидерството преку ликот и делото на Генералот Михаило Апостолски – патронот на Воената академија.

Воената академија како лидер во академската и институционалната сфера се придружи во одбележувањето на меѓународниот ден за елиминација на сите форми на насилство врз жените и девојчињата, 25ти ноември, кој оваа година се одвива под слоганот на Обединетите нации #NoExcuse или #БезИзговори и глобалната шеснаестдневна кампања на активизам за искоренување на сите форми на роодвобазирано насилство. Активностите завршуваат на 10ти декември- светскиот ден на човекови права.

Во рамки на нашата континуирана посветеност за унапредување на образованието и одбраната, Воената академија „Генерал Михаило Апостолски“ и Општина Штип потпишаа меморандум за соработка кој има за цел зајакнување на партнерствата во областа на образованието, безбедноста и иновациите.

Од 4 до 8 ноември 2024 во Малага, Шпанија се одржаа осумнаесеттата Конференција за опeрациони истражувања и анализа на НАТО и 54-от бизнис состанок на Панелот за системска анализа и студии (SAS), на кои како главен национален претставник во панелот учествуваше д-р Невена Серафимова, наставник и продекан за финансии и инвестиции на Воената академија. SAS панелот е еден од седумте панели во Организацијата за наука и технологија (STO), примарна организација на НАТО за одбранбена наука и технологија.

Тирана, 13 ноември 2024 — Во организација на Воената академија „Генерал Михаило Апостолски“ / Институтот за сајбер безбедност и дигитална форензика, во Тирана, Албанија, се одржуваат две дводневни работилници за сајбер безбедност, фокусирани на одговор при инциденти во сајбер просторот и кризна комуникација. Активноста се организира во соработка со Националниот авторитет за сајбер безбедност (NCSA) и е поддржана од страна на Стејт департментот на САД и CRDF Global. Оваа работилница претставува значаен чекор за подобрување на сајбер отпорноста и градење на капацитети за сајбер професионалци во Албанија.

Во период од 06-08.11.2024 година во Австриската воена академија се одвиваа експертски разговори во доменот на подобрување на меѓународната соработка во доменот на образованието. Воведното обраќање пред учесниците беше презентирано од страна на командантот на воената академија генерал мајор Карл Пронхагл, кој најпрвин ги поздрави преставниците од Западно-балканската иницијатива и накратко ги истакна капацитетите, можностите и способности на Австриската воена академија во доменот на меѓународната соработка и размена на кадри во образованието.

На ден 30.10. 2024 година, студенти и средношколци учесници на 4-та НАТО Академија, организирана од невладината организација Euro-Atlantic Council of Macedonia (АТА) во Северна Македонија, ја посетија Воената Академија "Генерал Михаило Апостолски" - Скопје. 

Во периодот од 14.10 до 17.10.2024 година во просторите на Универзитетот Лудовика во Будимпешта се одржа курс во организација на Универзитетот Лудовика - Будимпешта и Воената Академија Генерал Михаило Апостолски и Универзитет Црна Гора од Подгорица. Курсот на тема „Управување со ризик за безбеден сајбер простор“ беше поддржан од страна на Европскиот Колеџ за безбедност и одбрана (ESDC- European Security & Defence College) и Агенцијата за сајбер безбедност на Европската Унија (European Union Agency for Cybersecurity (ENISA) и двете со седиште во Брисел, Белгија.