Вести

​​​​​​​Денес, во Охрид, официјално започна Вториот модул на Регионалниот курс а стратеко лидерство (RSLC), коорганизиран од Воената академија “Генерал Михаило Апостолски” и Националната одбранбена академија на Австрија, поддржан од Министерството за одбрана. Курсот, кој ќе трае од 16 до 20 септември, се фокусира на клучните регионални и глобални безбедносни предизвици, со учество на национални високи претставници од разни институции, како и претставници од Австрија, Босна и Херцеговина, Црна Гора и Србија. За време на отворањето на курсот, деканот на Воената академија, проф. д-р Митко Богданоски, полковник, одржа воведно излагање во кое ја нагласи важноста на соработката и размената на знаење. Тој истакна дека учеството на високи претставници од различни институции од повеќе држави, е од суштинско значење за справување со сложените безбедносни проблеми со кои се соочува регионот.

​​​​​​​Во организација на Институтот за сајбер безбедност и дигитална форензика при Воената академија, денеска 03. Јуни 2024 година започна со реализација првиот од четирите модули од програмата на обуки за Аналитичари во оперативни центри за безбедност (SOC ANALYST). Учесници на обуките се 25 претставници од Министерството за одбрана, Армијата и Воената академија. Покрај теоретските предавања учесниците ќе имаат можност да користат и персонализирани лабораториски вежби со помош на платформата CYCUBE.  Самата платформа има инкорпорирани многу напредни курсеви и адаптивно персонализирано учење согласно знаењето на студентот. Со реализација се овие курсеви Министерството за одбрана и Армијата ќе се збогати со 25 обучени SOC Аналитичари (SOC ANALYST) од кои дел ќе бидат ангажирани во  новоформираниот оперативен центар за безбедност (SOC).

Почитувани студенти, Пред вас е посебна можност за подобрување на вештините за дигитална безбедност преку едночасовен online курс за сајбер хигиена. Овој курс го спроведува Националниот институт за сајбер безбедност и дигитална форензика од Воената академија „Генерал Михаило Апостолски“, во партнерство со Стејт Департментот на САД и CRDF Global. По успешното завршување на курсот учесниците ќе се стекнат со соодветен сертификат во дигитална форма, како признание за стекнатите знаења и вештини.    Наслов на курсот: Основни безбедносни правила во дигиталната средина Времетраење: 60 минути Целна група: Студенти во нетехнички и технички специјалности

Во периодот 07.-11.05.2024 година, високи лидери од воени и одбранбени образовни институции од целиот свет се собраа на Националниот одбранбен универзитет во Вашингтон Д.Ц., САД. На настанот активно учество зеде и деканот на Воената академија полковник д-р Митко Богданоски, редовен професор. Воведно обраќање на настанот одржаа командантот на Одбранбениот колеџ на НАТО од Рим Генерал-полковник Макс Нилсен, командантот на Националниот одбранбен универзиет од САД генерал-полковник Мајкл Плехн, како и Началникот на Генералштабот на сојузничката команда на НАТО за трансформација, вицеадмирал Гај Робинсон.