Во претходните два дена е реализирана настава на сите питомци при што е извршена географска и топографска ориентација на земјиштето и практично беа покажани основните информации на топографската карта Штип 3 и теренот на кој се изведуваше денешниот марш. За време на настава се повторија основните знаења од предметот Воена топографија и се разменуваа искуства и постапки за работа на карта во секоја од земјите учесници. Целата настава и реализација на вежбата е изведена од страна на капетан м-р Александар Петровски, асистент на Воената академија по предметот Воена топографија со директно вклучување во наставата на најдобрите питомци по топографија (питомец Симона Наумова од 3 година и питомец Михајло Тошевски од 2 година).
Целта на денешната вежба беше да се запознаат сите питомци со теренот, да се проверат во основните знаења и техники на читање на топографска карта и одредување на дадени координати на карта и пронаоѓање на истите контролни точки на околното земјиште. Секој од тимовите беше воден од тим лидер од различна земја учесник на Летниот кампус 2014 со 7 питомци од сите земји учеснички. Нивните командири кои се одговорни за нив нивниот ангажман на Летниот кампус исто така беа ангажирани на контролни точки придружувани од офицери и подофицери од МО и АРМ и беа директно вклучени во набљудувањето и текот на реализацијата на вежбата.
Крајниот резултат е успешно изведена вежба на општо задоволство на сите питомци учесници во истата, а со самото тоа Воената академија докажа и покажа уште еднаш дека располага со стручен кадар и капацитети за обука согласно НАТО стандардите. Со ова нашите питомци докажаа дека се обучени и можат да работат „рамо до рамо“ со питомците и армиите во регионот и земјите членки на НАТО.
