Дводневната Регионална работилница на тема „Индивидуални и регионално базирани сајбер и хибридни закани и предизвици во Југоисточна Европа“ сереализираше во Тирана, Албанија, во период од 02 до 03 октомври 2024 година. Работилницата е организирана од  страна на RACVIAC – Центар за безбедносна соработка, Министерството за одбрана на Албанија и Воената академија „Генерал Михаило Апостолски“ од Скопје, и е дел од пошироката иницијатива „Зајакнување на отпорноста на ЈИЕ во сајбер безбедноста против хибридни закани.” Работилницата официјално ја отворија Н.Е. амбасадор Константин-Михаил Григори, директор на RACVIAC, г. Дориан Тола, заменик министер за одбрана на Албанија, и потполковник проф. д-р Димитар Богатинов, претставник на Воената академија „Генерал Михаило Апостолски.“

Од 23-25 ​​септември 2024 година, делегација од Воената академија, предводена од деканот проф. д-р Митко Богданоски, полковник, во придружба на продеканката вон. проф. д-р Невена Серафимова и Еразмус координаторот доц. д-р Љупчо Шошоловски го посети Универзитетот за јавна служба Лудовика во Будимпешта, Унгарија. Оваа посета означи важен чекор на двете институции во унапредувањето на меѓусебната академска соработка, како и соработка во областа на воената обука и сајбер безбедноста.

Конференцијата на проектот SETOFF насловена „Идни насоки за креирање на обуки и иновации за управување со ризиците во локалните заедници“ се одржа на 30 септември 2024 година во Скопје. Настанот привлече значителен број на учесници од различни сектори од централната и локалната власт, како и експерти во областа на управувањето со ризици и кризни ситуации. Темата на конференцијата беше посветена на важноста на раниот одговор на ризиците и примената на иновативни алатки за зајакнување на капацитетите на заедниците во справување со кризи.

КОНЕЧНА РАНГ-ЛИСТА НА КОНКУРСОТ ЗА ЗАПИШУВАЊЕ СТУДЕНТИ/ПИТОМЦИ ЗА ПОТРЕБИТЕ НА МИНИСТЕРСТВОТО ЗА ОДБРАНА И НА АРМИЈАТА НА РЕПУБЛИКА СЕВЕРНА МАКЕДОНИЈА И СТУДЕНТИ ЗА ПОТРЕБИТЕ ЗА УПРАВУВАЊЕ СО КРИЗИ И ЗАШТИТА И СПАСУВАЊЕ НА ПРВ ЦИКЛУС СТУДИИ

​​​​​​​Денес, во Охрид, официјално започна Вториот модул на Регионалниот курс а стратеко лидерство (RSLC), коорганизиран од Воената академија “Генерал Михаило Апостолски” и Националната одбранбена академија на Австрија, поддржан од Министерството за одбрана. Курсот, кој ќе трае од 16 до 20 септември, се фокусира на клучните регионални и глобални безбедносни предизвици, со учество на национални високи претставници од разни институции, како и претставници од Австрија, Босна и Херцеговина, Црна Гора и Србија. За време на отворањето на курсот, деканот на Воената академија, проф. д-р Митко Богданоски, полковник, одржа воведно излагање во кое ја нагласи важноста на соработката и размената на знаење. Тој истакна дека учеството на високи претставници од различни институции од повеќе држави, е од суштинско значење за справување со сложените безбедносни проблеми со кои се соочува регионот.