Оглас во рамки на програмата ЕРАЗМУС+

Оглас за упатување на питомци од Воената академија во Скопје на „ Интернационална питомечка недела во Будимпешта 2025" на Факултетот за воени наукиво Гори, Лудовика универзитет за јавен сервис во Будимпешта, Унгарија

Соработката помеѓу Воената академија „Генерал Михаило Апостолски“ и Норвешкиот национален одбранбен универзитетски колеџ претставува стратешки значаен чекор кон унапредување на военото образование и размена на современи безбедносни знаења и искуства.

Воената академија „Генерал Михаило Апостолски“ на 20 и 21 февруари ја пречека делегацијата од Националниот одбранбен универзитетски колеџ на Норвешка и Воената академија, предводена од раководителката за интернационализација и координаторка на програмата Еразмус+ Марит Рие-Рамберг. Посетата беше фокусирана на зајакнување на академската соработка, дискусија за програмата Еразмус+ и разгледување на идни заеднички иницијативи.

Делегација од Воената академија „Генерал Михаило Апостолски“ – Скопје учествуваше на „Меѓународната недела“, организирана од Норвешкиот одбранбен универзитетски колеџ (NDUC) во Осло од 11 до 13 февруари 2025 година. Оваа посета ја зацврсти академската соработка и ги зајакна врските помеѓу двете институции.

Воената академија „Генерал Михаило Апостолски“ – Скопје активно учествуваше на годишната конференција на Партнерството за Мир (PfPC), која се одржа во Националната академија за одбрана во Виена, Австрија, во периодот 28-30 јануари 2025 година. Оваа конференција претставува значаен форум за размена на знаење и искуства меѓу високи претставници, академици и експерти од областа на безбедноста и одбраната. Главен фокус на настанот беа когнитивната војна, хибридните закани и образовната соработка во регионот.

На 29 јануари 2025 година, Воената академија „Генерал Михаило Апостолски“ – Скопје учествуваше на иницијалниот состанок на Европскиот дигитален иновациски хаб INNOFEIT (EDIH), финансиран преку повикот „DIGITAL-2023-EDIH-04“. Проектот е насочен кон поддршка на малите и средни претпријатија (МСП) и организациите од јавниот сектор (ОЈС) во дигиталната трансформација и зголемување на нивната конкурентност.